Immikkut ittumik aaqqissuussamut peqataagit ulluni 12-13 juni Nuummi, Kalaallit Nunaanni suliffeqarfiit periarfissaqarput Illersornissaqarfiup pissarsiniarneranni peqataasinnaanermut

Aaqqissuussap siunertaraa aammalu imaattumik angusaqarnissamik siunertaqarluni

Siunertaq: 

• Ammasumik: Oqaloqatigiinnerit Kalaallit Nunaanni suliffeqarfiit Illersornissaqarfiup pisiniarneranni peqataasinnaanerannut. Illersornissaqarfiup pisiarisartagaai annertunerpaamik FMI’p aammalu FES’p ingerlattarpaai.
• Suleqatigiinnissamut sinaakkutissat aammalu suleqatigiinnerit: Suliffeqarfiit akornanni suleqatigiinnissamik periarfissiinerit aqqutigalugit Illersornissaqarfik pisiniarnissaanut tunngatillugu Kalaallit Nunaannut atorneqarsinnaasunik.
• Kalaallit Nunaanni pissutsit immikkuullarittuuneranik paasinninisaq: Pisiniartoqartillugu, paasinnissinnaanissaq, ass. Nunami sumiiffik aammalu angallannikkut aporfissat.
• Attaveqaatissanik attaveqalerneq.

Angusassatut siunertaq: 

• Kalaallit suliffeqarfiisa aammalu qallunaat suliffeqarfiisa ilisimassagaat FMI’p aammalu FES’p pisiniartoqartillugu suleriaasiat.
• Suleqataasussat ilisimatinneqarsimanissaat Illersornissaqarfiup qanoq Issitumi ineriartortoqarnissaanik ilimattaasseqqanerat.
• Susassareqatigiinnerup aammalu attaveqaatit FMI’p aammalu FES’p susassaqartullu akornanni inerisarneqarnissaat.
• FMI’p aammalu FES’p tunisaqarnerusinnaanissamik aammalu peqataatitsinerunissamik periarfissiinissaa suliffeqarfinnut soqutiginnissinnaasunut soorlu pisiniarnermi aammalu sanaartugassatigut suliassaqartoqartillugu.
• Kalaallit aammalu qallunaat suliffeqarfiisa patajaattumik toqqammaveqarlutik suleqatigiinnissaanik anguniagaqarneq.

Siunertaq aammalu pilersaarut annermik Kalaallit suliffeqarfiinut saaffiginnippoq aammalu periarfissaalluarpoq qallunaat suliffeqarfiisa nutaanik attaveqaateqalernissaannik periarfissiilluni aammalu pisiniartarnermut aammalu ineriartonermut tusarnaarsinnaaneq siunertaalluni. Aaqqissuusaq manna siulliuvoq suleqatigiinnerunissamik siunertamut, tassalu Illersornissaqarfiup, DI-FOS’p aammalu GE’p akornanni aammalu Isittumik suliniutinut tunngatillugu Naalagaaffiup siunnerfiliussaanut Qallunaat Illersornissamut suliffissuaqarnerannut aammalu DI’p suleqatigiinnissamik Kalaallit Nunaatalu isumaqatigiissutaanut. DI-FOS allattoqarfia aaqqissuussami siullermi peqataassanngikkallarpoq taamaattorli pisup tullissaani peqataajumaarluni.

Pisussami paasissutissat annerusut aammalu peqataanissamik nalunaarneq
Peqataanissamik nalunaarneq uunga ingerlanneqassaaq Sulisitsisut ga@ga.gl. Aaqqissuussamut tunngatillugu apeqqutissaqartoqassappat peqataanissamut tunngatillugu ataqatigiissaarisumut apeqqutigineqarsinnaapput Lars Krogsgaard-Jensen, Sulisitsisut e-mail lars@ga.gl aammalu oqarasuaat +299 56 60 11

Pilersaarut ullut makkua naleqqussarneqarpoq aammalu ukua pisussatut pilersaarluta:

Ataasinngorneq 12. juni (0900-1700):

• Ammaalluni oqalugiarneq Múte Bourup Egede, Naalakkersuisut Siulittaasuat
• Tikilluaqqusineq Issittup sakkutooqarfiata pisortaa
• Ataatsimeersuarnerup ingerlanissaanik siunertaanillu paasissutissiineq
• Illersornissaqarfiup Issittumi suliarisartaagaanik saqqummiineq. Kingornalu apeqqutit&akissutit
• FMI’p pisiniartarneranni suleriaatsit, pisiniarnermi oqaloqatigiinnerit aammalu angallannissaanut isumannaassuseq
• FES aaqqissuussaanera, sanaartorneq- aammalu sanaartugassanik suliniutit Issittumi
• Sumiiffinni immikkuullarissut pissutsit aammalu nunap immikkoortuini piffiit Kalaallit Nunaani
• Suliniutinik misilittakkat issittup nunaanni
• Suleqatigiinnikkut aammalu piginneqatigiinnikkut periarfissat
• Eqimattani oqallinnerit: Annikillisamik apeqqutit&akissutit
• Suliffissuaqarfiit saqqummersitaat aammalu attaveqatigiinnissamik oqaloqateqarnerit unillatsiarnerni ataatsimeersuarfiup initaasa ilaanni
• Nereaqatigiinnerit (no-host/qaaqqusisoqarnani)

Marlunngorneq 13. juni (0900-1400):

• Agile B2B ataatsimiinnerit aammalu suliffissuaqarnikkut attaveqatissanik naapinnerit  
• Saqqummersitsisunik ilisarititsinerit
• Kalaallit suliffeqarfiiniit saqqummiinerit aammalu ilaatigut kalaallit ilisimasaqarnikkut immikkoortortaqarfii
• Qallunaat suliffeqarfiiniit saqqummiinerit
• Eqimattani oqallinnerit: Annikillisamik apeqqutit&akissutit 

Marlunngorneq 13.juni (0900-1300):

• Illersornissaqarfiup ministeeriaqarfiata, Atortuutinik- aammalu Pisiniartarnermik Aqutsisoqarfiup ataatsimeeqateqarnera advokatit allaffiilu

Pisussamut peqataanissamik inniminniinissaq kingulleq tassaavoq tallimanngorneq ulloq 02. juni 2023, nal. 1200 kalallit nalunaaqutaat/16.00 qallunaat nalunaaqutaat.

Paasissutissat allat
Akia: Peqataaneq akeqanngilaq. Pisussami peqataasinnaasut killeqarmata, peqataanissamik nalunaaqqaartut inissaqassapput, taamaattorli suliffeqarfimmiit annerpaamik inuit marluk kisimik peqataasinnaassallutik. Pisussamili matumani siunertaavoq, tassa attuumassuteqartunut Kalaallit suliffeqarfiutaasa salliutinneqarnissaat.

Saqqummersitsinissamik periarfissaq: Suliffeqarfinnut 20-inut aammalu kattuffinnut Lars-imut nalunaarnermi periarfissaassaaq akeqanngitsumik (nalunaaqqaartunut) saqqummersitsivissaq annikinnerusoq hotel-ip ineeraataasa eqqaaniittuni peqarnissamik. Tassanilu nerriveeraqarumaarpoq ilaatigullu qummut amullugit seqersartunik inissaqartitsisoqarumaarluni. Tamanna marlunngornermi immikkut periarfissaassaaq.

Nereqatigiinnissamut nalunaarneq Hotel Hans Egede-mi: Hotel Hans Egede-mut: restaurant@hhe.gl akia inuup ataatsip kr. 495,- (Nalunaarnissamut hotel-imut killigitinneqarpoq 7. juni bestiiliinissamut aammalu akiliinissamut unnukkut nereqataanermi). Unnukkut nerinermi nerisassat: Uiluiit marineerikkat immussuaq pujuukkamik aammalu dildolie-ligaq, Tullerunnanut umimmak siataq uanittut aappaluttunik ikianguserlugu, persillepommespuré aammalu umimmammik miseqqiaq rabarber-it igaat aammalu chokolade qaqortumik kinertuliaq.